हेटौँडा जेष्ठ १८
मकवानपुरको मनहरी गाँउपालिकाको वडा नम्बर ६ नयाँबस्तीमा आज विहान बस र ट्रक एक आपसमा ठोक्किएको छ । विहान करिब ७ः३० बजेको समयमा काठमाडौँबाट सिराह तर्फ आउदै गरेको ना ५ ख ६१२३ नम्बरको बस र बिपरित दिशा हेटौँडाबाट चितवन तर्फ जादै गरेको ना ४ ख ८३ नम्बरको ट्रिपर एक आपसमा ठोकिदा दुर्घटना भएको हो । दुर्घटनामा परी उपचारको लागी चितवनको पुरानो मेडिकल हलमा लैजादै गर्दा २ जनाको मृत्यु भएको छ । मृत्यु हुनेमा भारत अम्ना जाशलको ३० वर्षीय मोहमत सलाउदीन् र सङ्खुवासभाको २९ वर्षीय केश बहादुर लाया रहेको छ । दुर्घटनामा परी ११ जना घाईते भएको जिल्ला प्रहरी कार्यालय मकवानपुरले जनाएको छ ।

 जेष्ठ १४

प्रधानमन्त्री पुष्पकमल दाहाल प्रचण्डले काठमाडौं–निजगढ फास्ट ट्र्याकको शिलान्यास गरेका छन् । बाराको निजगढमा आइतबार बिहान आयोजित एक समारोहबीच प्रधानमन्त्री प्रचण्डले फास्ट ट्र्याकको औपचारिक शिलान्यास गरेका हुन् । फास्ट ट्याक शिलान्यास गर्दै प्रधानमन्त्री प्रचण्डले काठमाडौं र तराईबीचको दूरी घटेको बताए । ७६ किलोमिटर लामो फास्ट ट्र्याक निर्माणको जिम्मा सरकारले नेपाली सेनालाई दिएको छ ।  यो द्रुत मार्गलाई ४ वर्षभित्र निर्माण सक्ने लक्ष्य राखिएको छ । सेनाले फास्ट ट्याक निर्माणलाई १० क्षेत्रमा विभाजन गरेर निर्माण गर्न लागेको जानकारी शिलान्यास कार्यक्रममा दिइयो । सेनाले अन्तर्राष्टिय परामर्श दाता नियुक्त गरेर यसका लागि आवश्यक उच्चस्तरीय दक्ष जनशक्ति प्रवन्ध गर्ने तयारी गरेको छ । खोकना, चाल्नाखेल, मकवानपुरको इपा, गढी, छतिवन र लालगाउँ हुँदै बाराको निजगढ जोडिने फास्ट ट्याक काठमाडौंबाट १ घन्टामा पुग्न सकिने बताइएको छ । सेनाले यसको निर्माणको कार्यविधि बनिरहेको र निर्धारित समयमै निर्माण सक्ने जनाएको छ । फास्ट ट्याक ४ लेनको हुनेछ । यसको २३ किलोमिटर भाग पहाड र बाँकी तराईमा पर्छ । यो मार्गको विभिन्न ९९ स्थानमा पुल बन्नेछन् भने ६ वटा आकासे पुल हुनेछन् ।मकवानपुरको एक खण्डमा डेढ किलोमिटरको सुरुङमार्ग समेत बन्ने जानकारी शिलान्यास कार्यक्रममा दिइयो ।

भएका हुन् । १३ दिनसम्म च लेको मत गणना शनिबार मध्यरातमा सकिएको छ । तर, औपचारिक घोषणा आइतबार विहान मात्र भएको छ । शाक्यले ६४ हजार ९१३ मत पाएका छन् । उनका निकटमत प्रतिद्वन्द्वी कांग्रेसका राजुराजले ४५ हजार २६९ मत पाए । विवेकशील नेपाली दलकी रञ्जु दर्शना तेस्रो भइन् । उनले २३ हजार ४३९ मत पाएकी छन् । साझा पार्टीका किशोर थापा १८ हजार ४९६ मतसहित चौथो भएका छन् ।

जेठ १४ – लुक्लामा शनिबार भएको गोमा एयरको जहाज दुर्घटनामा गम्भीर घाइते भएका सह चालक सृजन मानन्धरको ज्यान गएको छ ।
उपचारका क्रममा पासाङल्हामु निकोल निकी अस्पताल लुक्लामा शनिबार राति उहाँको ज्यान गएको सोलुखुम्बुका प्रमुख जिल्ला अधिकारी उमेश पाण्डेले जानकारी दिनुभयो । महर्जनलाई थप उपचारका लागि काठमाडौं लैजान प्रयास भएपनि  बाक्लो हुस्सुका कारण हेलिकप्टर उड्न नसकेपछि थप उपचारका लागि काठमाडौं लैजाने प्रयास असफल भएको थियो । दुर्घटनामा पाइलट पारसकुमार राईको शनिबार नै ज्यान गएको छ  भने विमान परिचारिका प्रज्ञा महर्जनलाई थप उपचारका लागि आइतबार बिहानै काठमाडौं ल्याइएको इलाका प्रहरी कार्यालय लुक्लाले जनाएको छ ।

हेटौँडा जेष्ठ १०
हेटौँडा उपमहानगरपालिका वडा न. ११ को मत गणना सुरु भएको छ , हेटौँडाको मेयर यसै वडाबाट थाहा हुने छ । हेटौँडा उपमहानगरपालिकामा १८ वटा वडाको मत गणना भईसकेको छ , अन्तिम वडाको मत गणना अहिले भर्खरै सुरु भएको छ । वडा न.११ मा कुल ४ हजार ७ सय ५२ मत रहेको मा ३ हजार ६ सय ३८ मत खसेको छ । १८ वडाको मत गणना गरिसक्दा नेकपा एमाले अगाडी रहेको छ । को बन्लान् त भनेर थाहा पाउन केही समय कुर्नु पर्ने देखिन्छ । 

हेटौँडा जेठ÷९
देशको विभिन्न ठाँउमा मत गणना भइरहदा यता हेटौँडा उपमहानगरपालिकामा अन्तिम अन्तिम चरणमा पुगेको छ । अन्तिम चरणमा आईपुग्दा नेपाली काँग्रेस र नेकपा एमाले बीच कडा प्रतिस्पर्धा देखिन्छ । कहिले नेपाले काँग्रेसका उम्मेदवार आनन्दराम पराजुली अगाडी बढ्छन् भने कहिले नेकपा एमालेको उम्मेदवार हरि बहादुर महत अगाडी बढेको देखिन्छ । हेटौँडा उपमहानगरपालिकामा कस्ले बाजी मार्ला भन्न सकिन्न । अहिले सम्म १५ वटा वडाको मत गनिसक्दा र अहिले १२ नम्बर र १० नम्बरको मत भईरहदा नेपाली काँग्रेस र माओवादी केन्द्र गठबन्धन का उम्मेदवार आनन्दराम पराजुली झिनो मतले अगाडी रहेको छ । अहिले सम्मको ताजा अपडेटमा नेपाली काँग्रेस गठबन्धनका उम्मेदवार आनन्दराम पराजुलीले नेकपा एमालेको उम्मेदवार हरि बहादुर महत लाई ७५ मतले पछ्याउदै अगाडी बढिरहको छ । 

     हेटौँडा जेठ÷३
मकवानपुर गढी गाँउपालिकामा नेकपा एमाले विजयी भएको छ । गाँउपालिकाका प्रमुखमा बिदुर हुमागाईले ३८१४ मत ल्याई विजय भएको छ भने प्रतिद्धन्दी नेपाली काँग्रेसका प्रमुख दोर्जे लामाले ३६५३ मत ल्याएको थियो । त्यसै गरी उप–प्रमुखमा नेकपा एमाले नै विजय भएको छ । उप –प्रमुखको उम्मेदवार हर्कमाया रुम्बाले ३७१७ मत ल्याई विजयी भएको छ भने प्रतिद्धन्दी नेपाली काँग्रेसको मन्दिरा के.सी. ले ३७०७ मत ल्याएको थिए । त्यसै गरी माओवादी केन्द्रको गाँउप्रमुखको उम्मेदवार भिम पाख्रिनले १६३३ र उप–प्रमुख राधिका तिमलसिनाले १५९९ मत ल्याएको थियो । र राप्रपाबाट गाँउप्रमुख खिल प्रसाद चौलागाँईले ९५० र उप–प्रमुख हिरादेवी हुमागाँईले ८९८ मत प्राप्त गरेका थिए । 

अपडेट मकवानपुर गाँउपालिकामा वडा न. १ को परिणाम ५०० मतमा

गाँउ प्रमुख

काँग्रेस – २५०

एमाले – १६५

मओवादी केन्द्र – ४४

राप्रपा –१५

उप–प्रमुख

काँग्रेस – २४८

एमाले –१७१

मओवादी केन्द्र – ३७

राप्रपा –१५

वडा अध्यक्ष

काँग्रेस – २४६

एमाले – १६९

मओवादी केन्द्र – ३९

राप्रपा –१५

संघीय संरचना अनुसार स्थानीय तह चयनका लागि आज ३४ जिल्लामा मतदान भइरहेको छ ।
भर्खरबाट मतदान सुरु भएको छ । मतदान बेलुका ५ बजेसम्म जारी रहनेछ । ४९ लाख ५६ हजार ९ सय २५ मतदाता छन् । मतदानका लागि झण्डै चार हजार मतदान स्थल तोकिएको छ । ३ हजार ९२२ मतदान स्थलका ६ हजार ६४१ मतदान केन्द्रबाट मतदाताहरुले आफूले चाहेको उम्मेदवारलाई मत दिनेछन् ।
१३ हजार ५६५ पदमा हुन लागेको निर्वाचनमा झण्डै ५० हजार उम्मेदवार चुनावी मैदानमा छन् ।

झन्डै दुई दशकदेखिको स्थानीय निर्वाचनमा मतदान गर्न पाउने प्रतीक्षाको घडी आज समाप्त भएको छ । पार्टीका शीर्ष नेताका साथै काठमाडौैैंका मेयरका उम्मेदवारले विभिन्न मतदान केन्द्रबाट मतदान गरेका छन्। प्रधानमन्त्री पुष्पकमल दाहाल, राप्रपा अध्यक्ष कमल थापा, नेपाली काँग्रेसका वरिष्ठ नेता रामचन्द्र पौडेल, काठमाडौंका मेयर उम्मेदवार विद्या सुन्दर शाक्य, रन्जु दर्शना, किशोर थापा, राजु राज जोशी र एमाले नेता योगेश भट्टराईले आआफ्ना मतदान केन्द्रबाट भोट हालेका छन्।

हेटौँडा ,मकवानपुरको ,मकवानपुर गढी गाउँपालिका– ७ सुकौरामा शिवम सिमेन्टको खानीमा रहेको एक्साभेटरामा गईराती आगजनी भएको छ । खानीमा ८ वटा एक्साभेटर रहेको मा ५ वटामा पुन रुपमा आगजनी भएको जिल्ला प्रहरी कार्यालय मकवानपुरले जनाएको छ । खानी रहेको आठै वटा एक्साभेटरमा आगजनी गर्ने प्रयास गरे पनि ५ वटामा मात्र आगजनी भएको प्रहरी जानकारी दिए । आगजनी बाट ४ करोड बराबरको क्षति भएकोे छ । थप अनुसन्धान भैरहेको जिल्ला प्रहरी कार्यालय मकवानपुरले जानकारी दिएको छ ।

स्थानीय तहको निर्वाचन २०७४ का लागि मकवानपुरमा मनोनयन दर्ता गराएका ८ जना उम्मेदवारहरु निर्विरोध निर्वाचित भएका छन् । मकवानपुरका विभिन्न ७ गाउँपालिकामा उम्मेदवारी दर्ता गराएका विभिन्न पार्टीका दलित महिला सदस्य उम्मेदवारहरुबाट ८ जना निर्विरोध निर्वाचित भएका छन् ।
तथ्याङ्क अनुसार निर्विरोध निर्वाचित हुनेमा काँग्रेसको ३
जना, एमालेको ३ जना र माओवादी केन्द्रको २ जना उम्मेदवार रहेका छन् । निर्विरोध हुनेहरुमा ईन्द्रसरोवर गाउँपालिकाबाट १ जना, मकवानपुरगढी गाउँपालिकाबाट १ जना, बकैया गाउँपालिकाबाट २ जना, बाग्मती गाउँपालिकाबाट १ जना र मनहरी, राक्सिराङ र कैलाश गाउँपालिकाबाट १–१ जना उम्मेदवार निर्विरोध छन् ।

मकवानपुरमा पनि आज हेटोडा उपमहानगरपालिका ,थाहानगरपालिका र विभिन्न ८ वटा गाउ पालिकामा स्थानिय निर्वाचनका लागि उमेद्वारी दर्ता भएको छ । पहिलो चरण अन्तर्गत वैशाख  ३१ गते हुने पहिलो चरणको स्थानिय तहको निर्वाचनका लागि विभिन्न दल तथा स्वतन्त्र उमेद्वारी दर्ता भएका छन हेटौंडा उपमहानगरपालिकामा नेपाली कांग्रेसवाट मेयरमा आनन्दराम पराजुली उपमेयरमा लक्ष्मी श्रेष्ठ,एमालेवाट मेयरमा हरीबहादुर महत र उपमेयरमा मिना लामाको नाम दर्ता भएको छ । यस्तै माओवादी केन्द्रवाट मेयरमा कुमारी मोक्तान र उपमेयमा वलराम वलको नाम दर्ता भएको छ भने राप्रपाले मेयरमा मधु अधिकारी र उपमेयरमा इन्दिरा न्यौपानेको नाम उमेद्वारका रुपमा दर्ता गराएको छ । संघिय समाजवादी फोरम र नयाँशक्ति नेपालका तर्फवाट मेयरमा सुभरत्न गोले र उपमेयरमा पुनम भट्टराई तथा वैद्य माओवादीका तर्फवाट मेयरमा सद्धर अन्सारीले उमेद्वरी दर्ता गुर्नभएको छ । यस्तै थाहा नगरपालिकामा मेयरमा कांग्रेसवाट पवित्रा महत र उपप्रमुखमा खड्गगोपाली, एमालेवाट विष्णु ढकाल र कल्पना वलामी, माओवादी केन्द्रवाट लवसेर विष्ट र शकुन्तला गोपाली तथा राप्रपाले हरेराम कार्की र राममाया लामाको उमेद्वारी  दर्ताभएको छ ।  त्यसैगरी वाग्मती गाउँपालिका कांग्रेसवाट चोकवहादुर ठाडामगर र सुमित्रा राई एमालेवाट राजकुमार तिमल्सीना र धनमाया थिङ,माओवादी केन्द्रवाट सर्केस घलान र वच्चु गोले खड्का तथा राप्रपावाट दिल वहादुर वल र उमाकुमारी मोक्तानले मनोनय गर्नुभएको छ । यस्तै बकैया गाउँपालिमा नेपाली कांग्रेसवाट दामादर खनाल र कमला वाईवा , एमालेवाट  दलबहादुर वाइवा र सरला बोलखे,माओवादी केन्द्रवाट भक्तवहादुर खत्री र लक्ष्मी पाख्रीन, राप्रपावाट लक्ष्मी जीम्वा र ध्रुवनारायण घिमिरेको नाम दर्ता भएको  छ। यस्तै इन्द्रसरोबर गाउँपालिकामा कांग्रेसवाट विश्वलाल लामा र लक्ष्मी डंगोल, एमालेवाट जिबन लामा र उमा लामा,माओवादी केन्द्रवाट विक्रम सिंह मोक्तान र चुनुमाया व्लोन तथा राप्रपावाट देवकुमार लामा र निर्मल रुम्वाको नाम दर्ता भएको छ । भिमफेदी गाउँपालिकामा कांगैृसवाट मोमलाल दोङ र गोरीमाया लामा, एमालेवाट  हिदम लामा र पार्बती राना, माओवादी केन्द्रवाट रन्जित राना र अप्सरा लोप्चन, राप्रपावाट शिवराम थापा र सानुमाया व्लोनले नाम दर्ता गर्नुभएको छ । यता मकवानपुरगढीमा कांग्रेसवाट दोर्जे लामा र मन्दिरा केसी,एमाललेवाट बिदुर हुमागाई र  हर्कमाया रुम्बा,माओवादी केन्द्रवाट भिमपाख्रिन र राधिका तिमल्सिना तथा राप्रपावाट खिलप्रसाद चौलागाई र हिरादेवी हुमागाईलाई उठाएका छन ।  यता मनहरी गाउँपालिकामा कांग्रेसवाट शंकर न्यौपाने र कमला कार्की, एमालेवाट एकराज उप्रेती र मनिला बिष्ट,माओदावी केन्द्रवाट रामहरि सुवेदी र चन्द्रकला डिम्डुङ,राप्रपावाट गोविन्द रिजाल र मायाकुमार न्यौपानेको नाम दर्ता भएको छ । यस्तै  राक्सीराङ गाउँपालिकामा कांग्रेसवाट राजकुमार मल्ल र निर्मला हिंम्डुङ ,एमालेवाट लालबहादुर थापा र सुन्तली चेपाङ,माओवादी केन्द्रवाट पुर्साई चेपाङ र पूर्णिमा दोङ र राप्रपावाट पुजन साह र   देवीमाया लामाको नाम निर्वाचन कार्यालयमा दर्ता भएको छ ।  यता कैलाश गाउँपालिकामा कांग्रेसवाट लोकवहादुर मोक्तान र मिरा स्याङतान, एमालेवाट टंक मोक्तान र सुकुमाया थिङ,माओवादी केन्द्रवाट नरेन्द्र रिजाल र विन्दामाया वजु तथा राप्रपावाट भिमलामा र शान्ति थिङको उमेद्वारी परेको छ । यता राकेश कुमार शर्माले हेटौंडा उपमहानगरपालिकाको मेयर पदमा पहिलो नम्बरमा स्वतन्त्र उम्मेदवारका  रुपमा मनोनयन दर्ता गराएका छन । उनले बिगतमा ६०१ सभासदले राम्रो काम नगरी देशलाई लुटेको भन्दै उनीहरुको श्राद्ध सम्म गरेका थिए । त्यति मात्र नभई उनले बिगतमा संविधान चाँडै आओस् भन्दै विभिन्न पुजापाठ समेत गरेको चर्चा थियो ।